[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]


XXXXXXXXXXXX



يابنت يالي تلبسين الفرنسي

.......... وتمسسينه فوق الارداف مسّا



حمستي قلوب المساكين حمسي

.......... واللي يشوفك طال ليله ولاامسا



الناس تراها يا البنيه تحسّي

.......... لا تحسبين ان العرب ما تحسا



وانتي عرضتي والبضاعه تعسي

.......... واللي يطب السوق مثلك يعسا



ابديتي اللي كان لازم يدسي

.......... اللي عن عيون الخلايق يدسا



واليوم قدمتيه في وسط تبسي

.......... وقلتي لجمهور الجويعين كبسا



لين اجتمع وايل وهيثم وعبسي"

.......... مثل البساس اليا اروحت ريح بسا



وجيههم مثل المرايات ملسي

.......... وعيون مرطٍ والمناخير فنسا



لا ما التفت كنه مجبّس بجبسي

.......... خايف على الغتره تعطّف وتقسا

كنه مربط فوق علباه حلسي

.......... ودك تسوقه بين الاسنان بقسا



بنت الرجال اللي على الخيل ترسي

.......... اللي وراهم يشبع الذيب فرسا



صارت تغنّج بين كدلك وجمسي

.......... وا حمس قلبي من فعايلك حمسا



شومي عن اهل الدندنه والمجسّي

.......... اللي ليا ذكروا هل الطيب يخسا



ذولاك ما يسوون يابنت فلسي

.......... لواجتهم الهيئه يروحون دعسا



نسيتي ان اللي خلق جن وانسي

.......... يمهل ولا يهمل ولا هوب ينسا



قادر على انه يحبس الروح حبسي

.......... في ساعةٍ كل المخاليق خرسا



اضفي العبايه خلّي العود مكسي

.......... حتى يجي عندك عريس وعرسا



تبنين جيلٍ يغرس الطيب غرسي

.......... جيلٍ خذا في سلم الاجواد درسا



ْْْْْْْْX

[/poet]

عبر البريد