[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
قالوا نبي مـن قصايـدك الغراميـه قلت الهواء والغـزل قفلـت بيبانـه
انـا مـن الليلـه افكـاري أسمنتيـه حديـد وبلـك وسمنـت وخرسانـه
ولاعاد لي هم شاغـل غيـر هاذيـه قواعد البيـت وجسـوره وعمدانـه
احلـم بفـلا علـى ذوقـي خياليـه تكـون بيـن المبانـي كنهـا دانـه
انسى بها ايامي اللـي شيبـت فيّـه ويصير لي مع هوامير البلـد خانـه
احلام مير الحقايـق جـات عكسيـه واصبحت مديون والجيـران ديانـه
وقام المقاول يهدر وتضرس اللحيـه باحت فلوسـي وقـام يحـد نيبانـه
من عقب ماني بعمـه نعنبـو حيـه اليـوم ماكنـي الاضمـن صبيانـه
ان قلت راع الظروف وزيّـن النيـه واصبر وياصلك حقك حومر اعيانـه
قال ايه هـاذي سواليـف الحراميـه هات الدراهم ترى الاخـلاق تعبانـه
عـودت أعـزم واروّح للشريطيـه واخـذ ونيتيـن والتقسيـط بثمـانـه
واعطى المقاول ثمنها شبـه جبريـه والراتب اقساط من راسه لكرعانـه
والورع وامه يبون اشياء ضروريـه والتاجر احتدنـي مـن دون دكانـه
يقول للفقـر فـي نظرتـك ماريـه ودفاتر الدين مـن شـرواك مليانـه
وعوّدت لاجبـت لاهـاذي ولاذيـه وعزي لمن راح وانكف ماقضى شانه
العـذر مايقنـع المحتـاج مولـيـه والمزح ماهوب يرضي ناس زعلانه
مغير اروّح بهم فـي كـل عصريـه للبيت ونمتـر الاضـلاع واركانـه
ونحاول نعيش وسط احـلام ورديـه مابين غرفة فـلان وغرفـة فلانـه
وأن مرنا مـن جماعتنـا الزراويـه لاشافني قال ذا ضـاوي وورعانـه!
يبغا الفوائـد وحـول لـه بدهويـه وقام يتهكم وفـيّ يجـرب اللسانـه
طلعت للشمـس وانـا كنـت بالفيـه وضحك بي اللي يشح بزاد ضيفانـه
يازياد مافي قلـوب النـاس ماويـه لكـن شكـواى للمعبـود سبحـانـه

وســـلامـــتــــكــــم


[/poet]

من البريد