قصيده نشرتها في 17/1/1424 في المدينه صباح الغزو
بوش الابن كلم سكرتيره ابلير"=" ثم اوعده فالبيت الابيض وجاله
وقال عندي سر لايعرفه غير"=" الشرق الاوسط كد نويت احتلاله
وشارون عارف ويش هي خطة السير"="هذا اليهودي عارفٍ كل قاله
أرض العرب يابلير تحتاج تغيير"=" هذا طلب شارون قبل امس قاله
من نهر دجلة طالبٍ لين اقادير"="غربٍ وشرق ومن جنوب و شماله
ويقول أبي سوريه أم النواعير"="وفالشرق ابي تاصل حدودي صلاله
قدم طلب ليه وضمنه تحذير"=" خبل وبعد ما فاز زايد خباله
لكن جهز قوتك واسبق الطير"="شط العرب نبغاك ترسي قباله
وعطني معاك مدرعات وبوابير"=" تعبر على موج الخليج ورماله
أنا مشيت وفز والحقني اعصير"="ابغاك قبل الشهر تمضي لياله
وبعلامنا عن قصدنا نوهم الغير"=" وانت انقليزي عارفٍ للنذاله
شعب العراق انقول يحتاج تحرير"="مايصير هذا الشعب يترك لحاله
وحنا على شانه قطعنا مشاوير"="ماقصدنا فالعلم غير الجماله
وبندمر الاسلام يابلير تدمير"="والغرب في هذا عطانا وكاله
وكمان فلسْنا ونبغى دنانير"="الشعب عندي صار نصه بطاله
و النفط سعره زاد واصبح قناطير"="وحنا نبيه يباع وسط البقاله
هذاك كيفي كان كيفك قوارير"="وبعدي عن البترول صعب احتماله
يازين صوته وصط ذيك المواصير"=" لوحيت صوته صالى الهم زاله
والا اشتعاله وسط ذيك المواطير"="تشبه لعيد الحب واحلا لياله
وترى القضيه ماتبي طول تفكير"="لاتفوت الفرصه ترى الحكم داله
وليه ترى في مجلس الأمن تقدير"="وليا رفض لازم نكفي دلاله
وان كان مجلسهم رفض أي تقرير"="من وقتها لحط مجلس بداله
وعجل ومثلك مايحسب المخاسير"="مايكسب الطالات من صان ماله
و طلاق ما تدفع0 حساب الفواتير"="طلقت عاد وخل عنك الرجاله
وبيلير قال السر يابوش في بير"="لاتشيل هم العلم كله سهاله
يابوش قبل انك تجي كنت انا امير"=" ملكي شعاع الشمس يضوي جباله
وبلفور جدي عارفٍ كل تدبير"=" واسم العرب من كل مخطوط شاله
في وسط الاقصى حط عش الدبابير"="و القدس جدي شربكه في حباله
وجدى ورد سهمه ولا منه تقصير"="جدي عرفته؟؟!! وانته ابوك خاله
وانته توصيني وانا ودي أشير"="ياعزوتي فالحرب عند اشتعاله
بذكرك لو ماأنت محتاج تذكير"="انحط للمسجد كنيسه قباله
ونشن بين الناس حملات تبشير"="فكر العرب بعدين يبد انحلاله
ونبدا بعد ذلك فالاطفال تنصير"="والدين أرى لازم نحاكم رجاله
وانحط فيهم وسم الارهاب تزوير"="اشوف أنا الارهاب جيد مجاله
حتى الذي قد مات وأصبح أحافير"="لازم نحلل لو بقايا عقاله
وسلاحنا لن كان يحتاج تطوير"="بنجربه خل الحرام وحلاله
يابلير قول لبوش لاينفخ الكير"="ترى التغطرس والتهور جهاله
محدٍ بينسي قولته للجماهير"="(حرب صليبية)0 ومثبت مقاله
وبعدين عن قوله يقدم معاذير"="ويقول هذا شي ما جاء فـ باله
الكلمه اللي قلتها غير تنظير"="وماقصدي الإسلام نكسر هلاله
قله يفكر قبل قواته اتغير"="فالوحد القهار رب الجلاله
الدين ذا محفوظ من كل شرير"="وعدٍ وعدنا ربنا فالرساله
جبار دمر عاد بأقوى الأعاصير"="وثمود قومٍ بان فيهم نكاله
وقارون كان أغنى البشر و المشاهير"=" ولا نفع قارون ماله وحاله
وفرعون كذب قال هاذي أساطير"="ونهايته كانت بسبة ظلاله
ودارت على قيصر وكسرى المقادير"="قيصر فقد تاجه وكسرى مثاله
وترى العرب لن هللوا بالتكابير"="وإن كان للإسلام أذن بلاله
ماهمهم شارون وأعوان شامير"="وماهمهم برق السحاب وخياله
يشهد لنا العالم بحسن التقارير "=" شعب نحكمه ما نهبنا غلاله
وفي الحرب حاشا ماوطينا محاذير"="تاريخنا الحربي نظيفٍ قتاله
مانقتل اللي فالصوامع وفالدير"="والشيخ مايقتل ونعفي عياله
وشيٍ يفكر فيه لايمكن أيصير"="وشيٍ أنته تريده بعيدٍ مناله
وبندمر الاسلام يابلير تدمير"="والغرب في هذا عطانا وكاله
